Бишкеклик режиссер ва журналист Азим Азимов бир ҳафта аввал коронавирусга чалинган. У ҳозирда уй шароитида даволанмоқда. “Узпресс” ахборот агентлигининг муҳаррири Шоҳруҳ Соипов, Азим Азимов билан скайп орқали мулоқот қилиб, ундан коронавирусни қандай юқтириб олгани, белгилари ва давоси ҳақида сўради.
“Оғриётганимга бир ҳафтадан ошди. Соғлигимда баъзи ижобий ўзгаришлар бор. Тана ҳароратим пасайди, ҳозир яхши. Бироқ коронавирус хасталиги оғир кечаяпти. Грипп бўлсам, 3-4 кун аввал тузалиб қолардим. Ҳозир яна бир ҳафтача шу касаллик билан оғрисам керак деб ўйлаб, уни танамда ҳис қилаяпман”, дейди Азим Азимов.
